Св Фома Аквинский, молись за нас.

Exultet mentis jubilo
Laudans turba fidelium,
Errorum pulso nubilo
Per novi solis radium.

Thomas in mundi vespere
Fudit thesauros gratiae,
Donis plenus ex aethere
Morum et sapientiae.

De cuius fonte luminis
Verbi coruscant faculae,
Scripturae sacrae Numinis
Et veritatis regulae.

Fulgens doctrinae radiis,
Clarus vitae munditia,
Splendens miris prodigiis,
Dat toti mundo gaudia.

Laus Patri sit at Genito,
Simulque sancto Flamini,
Qui sancti Thomae merito
Nos caeli iungat agmini.
Amen.

(по примеру el_perro