Ave, Maria!

[starsword]

Ave, maris stella,
Dei mater alma,
Atque semper Virgo,
Felix caeli porta.

Summens illud Ave
Gabrielis ore,
Funda nos in pace,
Mutans nomen Hevae.

Solve vincla reis,
Profer lumen caecis,
Mala nostra pelle,
Bona cucnta posce.

Monstra te esse matrem,
Sumat per te preces,
Qui pro nobis natus
Tulit esse tuus.

Virgo singularis,
Inter omnes mitis,
Nos, culpis solutos,
Mites fac et castos.

Vitam praesta puram,
Iter para tutum,
Ut, videntes Jesum,
Semper collaetemur.

Sit laus Deo Patri,
Summo Christo decus,
Spiritui Sancto,
Tribus honor unus.
Amen.